Hún Drífa er komin til okkar. Hún er mannauðsstjóri til leigu og mun m.a. sinna undirbúningi jafnlaunavottunar og verkefnastjórnun við innleiðingu.
Drífa Sigurðardóttir lauk M.Sc. námi í opinberri stjórnsýslu frá Strathclyde University, Glasgow, og BA í stjórnmálafræði frá Háskóla Íslands. Drífa hefur mikla reynslu af mannauðsmálum, stefnumótun fyrirtækja, sameiningum, rekstri og hagræðingu, verkefnastjórnun, innleiðingu og rekstri gæðakerfa, jafnréttismálum og kjara- og launamálum.
Drífa starfaði hjá Isavia sem mannauðsstjóri í Reykjavík 2016-2017. Hún var starfsmannastjóri hjá Mannviti 2007-2015, sat þar í framkvæmdastjórn og tók þátt í stefnumótun mannauðsmála fyrir Mannvit og dótturfyrirtæki þess. Drífa er aðalmaður í stjórn lífeyrissjóðsins Birtu. Hún tók þátt í stofnun Flóru, félags mannauðsstjóra á Íslandi, sat þar í stjórn í alls 5 ár.
